نظرانداز کرکے مرکزی مواد پر جائیں

ماں نے کہا پارو کو چھوڑ دے

 ماں نے کہا پارو کو چھوڑ دے



آپ کو ایک جگہ سے دوسری جگہ جانا ہے اور وہ جگہ 10 کلومیٹر دور ہو تو پھر آپ یقینن پیدل نہیں جائیں گے۔

ہاں اگر آپ کے پاس اپنی موٹر سائیکل یا کار وغیرہ ہے تو پھر سفر آسان رہے گا۔

دوسری صورت میں آپ کریم، اوبر یا بائیکیا جیسی سروس کو استعمال کرتے ہوئے اپنی منزل پر پہنچیں گے۔

آپ نہ تو گدھا گاڑی پر جائیں گے اور نہ ہی کھوتا گاڑی کا استعمال کریں گے اور نہ ہی گھوڑا گاڑی پر سفر بخیر کریں گے۔

کیونکہ یہ بھی کسی دور کی شاہانہ سواریاں تھیں مگر اس وقت ان کا استعمال صرف دیہات میں ہوتا ہے وہ بھی صرف 5 فیصد باقی یا تو اپنی موٹر سائیکل استعمال کرتے ہیں یہ چنگچی نے سارا پلڑا ہی پلٹ کر رکھ دیا ہے۔

میں ایک فری لانسر رائیٹر ہوں جس کو اپنی روزی روٹی کا سفر انٹرنیٹ کے ذریعے سے کرنا پڑتا ہے مگر میرے ساتھ بہت سارے ایسے فری لانسر ہیں جن کو اس وقت انٹرنیٹ کنیکشن میں شدید دشواری کا سامنہ ہے۔

اور ہمیں مجبور کیا جا رہا ہے کہ آپ نئے دور کو چھوڑیں آپ کار پر سفر کرنے کی بجائے گدھہ، گھوڑا گاڑی وغیرہ کا استعمال کریں کیونکہ یہ ماحول دوست ہیں۔

اور یہ بھی کہا جا رہا ہے کہ میاں اگر گدھ گھوڑا نہیں خرید سکتے تو ملک کے کسی بینک سے قرض پر سائیکل ہی خرید لو۔ ہاں اگر آپ کو واقعی ملک اور اپنے سے پیار ہے تو آپ کچھ بھی کر سکتے ہیں۔

اب آپ بتائیں کہ ہم کریں تو کیا کریں اور جائیں تو کہاں جائیں۔ دنیا فور جی سے آگے جا رہی ہے فائیو جی کی حد کو چھو رہی ہے۔ اور ہمیں اپنے دوست خمیسو کو فون کر کے پوچھنا پڑتا ہے کہ "خمیسہ تمہارے پاس نیٹ چل رہا ہے" خمیسہ بڑی دبی سی آواز میں کہتا ہے "نہیں یار بہت سلو چل رہا ہے بس بیٹھے ہیں آس لگائے"۔

میرے ایک کزن ہیں جو کہ نہ چاہتے ہوئے بھی ایک گرافکس ڈرائینر بن گئے ہیں۔ میں نے ان سے پوچھا کہ ای میل کا کام کیسے کرتے ہو تو بتانے لگے۔ "میں ایک فائل کو اٹیج کر دیتا ہوں اور پھر دوسرے کام کر رہا ہوتا ہوں وہ نیٹ اپنا زور لگا کر ای میل کر رہا ہوتا ہے اور میں مزے سے دوسرے کام بڑے غور و فکر سے سر انجام دے رہا ہوتا ہوں۔ اتنی دیر میں میل ہوجاتی ہے"

میں اس وقت ایک غیر ملکی ادارے سے ملنے والی انگریزی زبان کو بہتر بنانے کے لئے ایک ادارے کی جانب سے 3 ماہ کی انگریزی کورس میں ایک شاگرد کی حیثیت سے ٹریننگ لے رہا ہوں۔

وہاں پر ہمیں ادارے کی جانب سے 16 ایم بی کا نیٹ کنیکشن کی فراہمی مفت میں دی گئی ہے اور ہم نے یہ سوچا کہ مفت کے مزے لوٹیں گے مگر کیا کیجئے سائیں وہ کنیشکن کبھی پیدل چلتا ہے، کبھی بچے کی طرح چلتا ہے اور کبھی گدھا، گھوڑا اور سائیکل بن جاتا ہے۔

ہماری بس اتنی سی خواہش ہے کہ یہ نیٹ سائیں موٹر سائیکل کی رفتار سے ہی چلے تو ہم اس میں بھی خوش ہیں کہ چلے تو کٹ ہی جائے گا یہ سفر آہستہ آہستہ۔ مگر جب یہ رک جاتا ہے تو سچ پوچھیں دل کی دھڑکن رک جاتی ہے کہ اب تیرا کیا ہوگا کالیا، ٹھاکر تو گیو۔

بس جی پھر کیا کریں نیٹ فیض احمد فیض کی غزل کی طرح گن گنانا شروع کرتا ہے کہ " مجھ سے پہلی سی اسپیڈ میرے فری لانسر نہ مانگ، اور بھی دکھ ہیں زمانے میں نیٹ کے سوا"۔

اسکے بعد آپ کو بہت سارے ایسے خیال آئیں گے کہ جیسے آپ دیوداس ہیں اور فری لانسنگ پارو ہے اور آپ کے گھر والے آپ کی ماں ہیں جن کا بے حد اسرار رہا گا کہ فری لانسنگ چھوڑ دے۔

مگر آپ سے مؤدبانہ اور ادبانہ ہاتھ جوڑ کر گذارش ہے کہ ہار نہ مانیں اور لگاتار کہتے رہیں میں نہ مانوں ہار اور اپنے کام پر دھیان دیں۔ ہوسکے تو ایک عدد درخواست حکومت کو لکھیں جس میں اپنی کہانی بیان کریں ہو سکتا ہے کہ رحم کی نظر کرم ہو اور آپ کا یہ کام آپ کے لئے جزائے خیر اور دوسروں کے لئے باعث روزی روٹی بن جائے۔

لیبلز:

تبصرے

ایک تبصرہ شائع کریں

اس بلاگ سے مقبول پوسٹس

وہ دودھ آپکا نہیں تھا

  وہ دودھ آپکا نہیں تھا ہم جس دودھ والے سے دودھ خریدتے ہیں وہ اصل میں دودھ والا نہیں ہے مگر حالات کی وجہ سے دودھ بیچ رہا ہے۔   اسکی سب سے بڑی وجہ یہ ہے کہ آپکی روزی کہیں نہ کہیں ضرور لکھی ہوئی ہے۔ ہاں اب یہ آپ پر منحصر ہے کہ آپکو اپنی روزی کو حلال کرکے کمانا چاہتے ہیں یا حرام کماکر کھانا چاہتے ہیں۔   ہمارے دودھ والے کی تو کوئی بھی بکری، گائے اور نہ ہی بھینس اپنی ہے۔ اسکی اپنی ہے تو وہ صرف ایک عدد بائیک ہے جس پر یہ جناب مختلف چھوٹے دیہاتوں و جگہوں سے کیش رقم پر دودھ خرید کر شہر میں ادھار پر یا کیش رقم پر دودھ فروخت کرتا ہے۔   آپ اس کو اپنی زبان میں Affiliate Marketing بھی کہہ سکتے ہیں۔ کیونکہ یہ اپنی کوئی انویسٹمنٹ کئے بغیر مختلف جگہوں سےدودھ لیتے ہیں اور اس پر اپنا منافعہ رکھ کر دودھ بیچ دیتا ہے یا بھیج دیتا ہے۔   ہم جو دودھ خریدتے ہیں وہ گائے کا دودھ ہوتا ہے۔ وہ اس لیئے کہ سب سے بہترین دودھ بکری کا ہے پھر گائے کا ہے پھر بھینس کا ہے۔   یہ تفریق صحت کے اصولوں کے تحت غذائی ماھرین نے بنائی ہے۔ بکری کا دودھ غذائی اعتبار سے بہت مفید ہے۔ ...
ایک تبصرہ شائع کریں
مزید پڑھیں

دکھائی قطرینہ بھیجی حکیماں

دکھائی قطرینہ بھیجی حکیماں اللہ تبارک و تعالیٰ نے دنیا گول بنائی ہے اور گول چیز میں گھومنے کی زیادہ صلاحیت موجود ہوتی ہے۔   آپ اگر کسی سے کوئی بھلائی کرتے ہیں تو اس کا صلا بھی آپ کو گھوم کر مل جاتا ہے۔ اور اگر آپ کسی سے کوئی برائی کرتے ہیں تو وہ بھی کہیں سے گھوم پھر کر آپ سے بدلہ لے لیتی ہے۔   آپ مانیں یا نہ مانیں مگر یہ سچ ہے کہ آپ کا دیا ہوا دھوکا کسی کے درد کا سبب بنتا ہے تو آپ کو بھی کسی نہ کسی سے دھوکہ ضرور ملتا ہے۔   میرا وطن، میرے وطن کے لوگ اور میرے وطن کا کاروبار منافقی، غیر ذمیداری، بداخلاقی اور بےایمانی سے عروج پر ہے۔   آپ جو چیز مارکیٹ میں خریدتے ہیں اس پر اگر چٹ Made in China لگی ھو تو آپ آسانی سے خرید لیتے ہیں۔   ہاں یہ الگ بات ہے کے میرے ملک میں چھوٹے اور بڑے ایسے بھی کارخانے ہیں جو کہ چیزیں بنارہے ہیں مگر بیچ رہے ہیں Mad in China کی چٹ لگا کر۔   کیونکہ ہمیں اپنوں پر اعتبار نہیں ہے اور نہیں تھا اور نہ جانے یہ اعتبار کب اور کیسے ہوگا؟   جی جناب! اگر وہ ہی چیز آپ Made in Japan خرید رہے ہیں تو آپ آنکھیں بند کر...
ایک تبصرہ شائع کریں
مزید پڑھیں

کون کہتا ہے آپ معذور ہیں؟

  کون کہتا ہے آپ معذور ہیں؟   آپ مانیں یا نا مانیں مگر یہ سچ ہے کہ آپ معذور نہیں ہیں۔ آپ تو صرف پولیو کی وجہ سے اپنی 2 ٹانگوں کا سہارا کہو بیٹھے ہیں۔ مگر آپ وہ ہمت والے انسان ہیں جن کی ٹانگیں کام نہیں کرتیں جن سے چل پھر نہیں سکتے۔ مگر آپ کے پاس دماغ اور دوسرے اعضاء تو صحیح سلامت ہیں۔ پھر اللہ رب کریم کا شکر ادا کریں اورآجائیں اس میدان میں جہاں پر آپ کو چلنے کے لئے ٹانگوں کا سہارا نہیں چاہئے۔ بلکہ آپ کو لگن، جستجو اور کچھ کر دکھانے کی آرزو ہو۔ بس اتنا سا کام ہے پھر دیکھیں آگے اور پیچھے ہوتا ہے کیا کیا؟؟؟ آپ کرسی پہ بیٹھتے ہیں اور وہیل چیئر پر چلتے ہیں اور پھر یہ کام آپ کے لئے ہی ہے۔ آپ نے گدھا تو دیکھا ہوگا، اگر نہیں دیکھا تو آج ہی جائیں کسی گدھے کو دیکھیں اور ایک لسٹ بنائیں کہ گدھے کے پاس کیا کیا نہیں ہے پھر بھی وہ گدھا ہے۔ ارے بھئی گدھے کی سب سے بڑی خوبی یہ ہے کہ یہ بڑا محنتی جانور ہے۔ مگر اس کی قدر نہیں کیونکہ یہ گدھا ہے۔ آپ انسان کو یہ کہتے ہوئے سنیں گے کہ میں گدھا تھوڑی ہوں کہ یہ کام کروں یا وہ کام کروں۔ ہاں جی تو آپ انسان ہیں اور انسان بننے کی کوشش کریں اسی میں ...
ایک تبصرہ شائع کریں
مزید پڑھیں