رمضان کیسے گذاریں
 |
| Photo by: pexels.com |
جناب حضرت محمد مصطفیٰ نبی آخر زمان ﷺ کا سب سے بڑا معجزہ قرآن کریم ہے جو کہ
راہ ہدایت اور دنیا و آخرت کی بھلایوں کا سب سے بڑا خزانہ ہے۔
اس خزانے کو حاصل کرنے کیلئے اللہ رب کریم نے اُمت مسلمہ کو ماہ رمضان دیا ہے
جس میں ہم دن کے 24 گھنٹے اور ہر ایک ایک لمحے میں جتنی نیکیاں کمانا چاہیں کما
سکتے ہیں۔
الحمدللہ! ماہ رمضان کا آغاز ہوچکا ہے اور ہمیں پتہ بھی نہیں چلے گا کہ دیکھتے
ہی دیکھتے ہم سے یہ برکتوں اور رحمتوں بھرا مہینہ ہاتھ سے نکل جائے گا۔
ہمیں چاہیئے کہ اس مہینے میں جتنا
ہوسکے اپنے آپ سے وہ وہ کام لیں جو کہ ہم دوسرے مہینوں میں کرنے سے سستی کا شکار
ہوتے ہیں۔
میں آپکی خدمت میں کچھ چند مفید مشورے عرض کرتا ہوں اور دعاگو ہوں کہ اللہ رب
العزت اپنے حبیب کریم ﷺ کے صدقے آپکے اور ہمارے درجے بلند عطا فرمائے۔ آمین
پہلا کام: ہماری شروعات صبح سے ہوتی ہے اور رمضان میں دن کی شروعات سحری سے
ہوتی ہے۔ آپ سحری بناتے ہیں تو آپ کو 3.50 پر اٹھنا لازم ہے اور اگر آپ سحری کھانے
والوں میں سے ہیں تو بھی آپکو 3:50 پر ہی اٹھنا چاہیئے۔
اٹھنے کے بعد مسواک یا برش کریں اور پھر وضو کریں۔ وضو کے بعد کچھ حصہ قرآن
کریم کا مکمل کریں اور پھر سحری بنانے میں اپنے گھر والوں کا ہاتھ بٹائیں کیونکہ
یہ آپکا اخلاقی فرض ہے کہ اپنے گھر والوں کا ہاتھ بٹائیں اور یہ نیت رکہیں کہ جتنی
مرد حضرات کو اللہ کی عبادت کی ضرورت ہے اتنی ہی ضرورت عورتوں کو بھی ہے۔
آپ مل جل کر سحری کا اہتمام کریں گے توایک تو آپکی سحری جلد میں تیار ہوجائے
گی اور آپکے بچوں کی بھی تربیت ہوجائے گی کہ مل جل کر کام کرنا کتنی اہمیت رکھتا
ہے اور آپکے گھر کی عورتوں کو بھی عبادت کا وقت مل جائے گا۔
دوسرا کام: سحری ختم کرنے کے بعد نماز فجر کا اہتمام کریں۔ نماز فجر کو ادا
کرنے کے بعد صبح کے اذکار کا ورد کریں۔ ورد کے بعد قرآن کریم کا ایک سپارہ مکمل
کریں جس کے بعد آپکے پاس جو بھی بچہ کچا وقت ہے اس میں اپنے آفیس یا دکان پر جانے
کی تیاری کریں۔
تیسرا کام: اپنے ارد گرد کے ماحول کو خوب دیکھیں اور اسکے بعد شکرانہ ادا
فرمائیں کہ آپ کو اللہ نے کن کن نعمتوں سے نوازا ہے۔ جتنا بھی ہوسکے اپنے قریبی
رشتیداروں، پڑوسیوں اور دوستوں کی مالی امداد کریں جن کو آپکی مالی اور اخلاقی
ضرورت ہوتی ہے۔
چھوتھا کام: افطار کے وقت جتنا ہوسکے کم اور سادہ غذا اور سادہ پانی کا
استعمال کریں۔ نماز مغرب ادا کریں اور پھر واپس آکر اپنے گھر والوں کے ساتھ رات کا
کھانا کھائیں۔
پانچواں کام: نماز عشاء کے بعد نماز تراویح کا اہتمام کریں۔ نماز تراویح کے
لئے گھر میں موجود مرد حضرات کو ساتھ میں جانے کی دعوت دیں اور ان کو اپنے ساتھ لے
جائیں۔ اور گھر میں بیٹھی عورتوں کو بھی تاکید کریں کہ وہ نماز عشاء اور نماز
تراویح کا اہتمام کریں۔
چھٹہ کام: دوسرے دن کے آنے والے روزے اور دوسرے دن کی پلاننگ کریں کہ آپ آنے
والے دن کو کس طرح مل جل کر بہتر سے بہتر بنا سکتے ہیں۔
ساتواں کام: جتنا بھی ہوسکے نیکی کے کام کرنے کی دعوت دیں اور خود بھی نیکی کے
کام میں مصروف رہیں۔ اپنے گھر والے، ملازمین، رشتیدار، پڑوسیوں اور دوستوں کے لیئے
آسانیاں پیدا کریں۔ اگر آپ کے ہاتھ میں ان کا کوئی جائز مسئلہ حل کرنے کی طاقت ہے
تو جلد سے جلد ان کو مسئلوں سے باہر نکالیں۔
آٹھواں کام: تعلیم کے فروغ کے لئے ممکن حد تک کوشش کریں۔ اپنے ارد گرد میں
دیکھیں کہ کون ہے جس کو تعلیم حاصل کرنے کا شوق ہے مگر وہ حالات کے ہاتھوں مجبور
ہوکر اس اہم فریضے کو ادا نہیں کر پا رہا۔ آپ وہ کام کریں جو کہ عام لوگ نہیں
کرتے۔
نواں کام: اپنے استادوں اور ان لوگوں کے لئے دعائے خیر اور صدقہ جاریہ کا
بندوبست کریں جن لوگوں نے آپ کو لکھنا، پڑھنا اور جینا سکھایا ہے۔ اگر وہ دنیا میں
موجود ہیں تو ان کے لئے تحفے تحائف کا بندوبست کریں اور اگر ان میں سے کوئی دنیا
چھوڑ گیا ہے تو پھر ان کے لئے ایثال ثواب کا بندوبست کریں۔ یہ آپ کے انسانی اور
اخلاقی فریضہ میں شمار ہوگا۔
دسواں کام: جتنا بھی ہو سکے وہ بھتری کے کام کریں جو عام لوگ یہ کہہ کر نہیں
کرتے کے لوگ کیا کہیں گے۔ آپ لوگوں کی باتوں کو بائی پاس کرکے اپنی اور دوسروں کی
بہتری کے لئے آگے بڑھیں۔
اگر آپ پورے دھیان سے یہ 10 کام سرانجام دیتے ہیں تو آنے والے 11 مھینے میں یہ
رمضان آپ کو بندہ سے انسان بنا دے گا۔ آپ انسانوں میں شمار ہونے لگیں گے۔
تبصرے
ایک تبصرہ شائع کریں